4E kin wiahda koasoandi suwed kei nindokon eh kin wonohn nan dewe; e sohte kin wia mehkot mwahu, oh sohte suwed ehu e kin soikala.
5Maing KAUN, sapwellimomwi limpoak poatopoat kin leldalahng nanleng; sapwellimomwi loalopwoat kin kipe pahnlahng.
6Sapwellimomwi pwung inenen ileile duwehte nahna kan; sapwellimomwi kadeik loal duwehte loalen nan madau. Komw kin ketin apwahpwalih aramas akan oh mahn akan.
7Maing Koht, ia uwen kesempwal en sapwellimomwi limpoak poatopoat! Se kin diar silasil pahn mwetehn nin limomwi kan.