Mbouŋ To Yes Israela 91:1-4

¹Ighe tamtamon eta iyooŋ ila to Maaron Ariaŋa Tau Iliiv Zimaronŋa Tisov na, i pale ileep poi ila i saamba.

²I irau isaav pa Yoova ighe: “Maaron tsiau, yau nanumeer ghom. Yoova, yo umin niag to yoŋgaaŋ, ve uponpoon ghau pa koiagŋa imin didiiŋ ariaaŋa.”

³Onoon kat, i pale ipasalia aghem pa liis tau koiamŋa tighuru payo. Ve ipaghau moroghooŋ saghati payo.

⁴I pale iŋgin ghom ila niima saamba imin tatareek ipagud natŋa ila baage saamba. Yes tau tiyooŋ ila tooni na, pale tileep poi. Pasaa, i itataghon saveeŋ mbuaaŋ tooni. Ŋgar tana pale imin sigheu payo, ve ipoon ghom pa gabua sasaghati.