1O Yoova, Tiina tsiei, yo utotoi ezam tiina irau taan isov. Yo upabood taum pa mbonarim tau tiina kat. Iliiv gabua isov to sambam saamba.
2Yo ughur yes geegeu ve yes tau siŋsiŋaiŋazi to tipait ezam ve titotoi tapirim. Leso ugham koiamŋa tineneeŋ, ve upoon yes zeran to taliiŋzizi avozi.
3Matag izala pa sambam saamba, ve naghita nimam muuri ighengheen. Yau naghita kaiyo ve pitum tau yo taum ughur zi tila niazi na,
4ve naghe: “Yei tamtamon to taan, nimin saa kaut poia, ta yo matam iŋgalŋgal ghei? Mindai ta yo matam payei?
Mbouŋ To Yes Israela 8
Mbouŋ To Yes Israela 8:1-4