Mbouŋ To Yes Israela 77:9-13

⁹Ma Maaron aate yavyav kat, le ighamu loolo iveghai poia tooni? Tauta loolo isaghatin ghei muul mako ne?”

¹⁰Nagham ŋgar tauvene, tauta nasaav pa taug naghe: “Lolog ipataŋan kat pasaa, Maaron tau ileep saaŋa le saaŋa kat na, itoor ŋgar tooni wa. Taghita tapiri ilam ilam le aazne, taghita muul mako.”

¹¹Yoova, yau aat matag iŋgal imuul ila pa uraat tsio tintiina, ve gabua ŋgeretazi tau muuŋ ughamgham zi na.

¹²Yau aat matag iŋgal uraat tsio ariaŋazi ta naol ne, ve nagham ŋgar pazi poi.

¹³O Maaron, yo ughamgham ŋgar patabuyaaŋ mon. Ŋgar tsio ve gabuam, ene maata ite kat. Maaron ite paam eeza tiina imin yo ne mako.