Mbouŋ To Yes Israela 66:5-13

⁵Alam aghita uraat tau Maaron ighamu na. I igham uraat tintiina to iuul tamtamon. Uraat tawe itotoi katin tapiri. Tauta tamtamon tighita, le roiŋ tiina igham zi.

⁶Muuŋ, i ivalagh te le sirivu ila pa ŋas, sirivu ila pa tapir, ve taan mamaasa ivot. Tauta timbuunŋa tilaagh taghoni, ve tila tivool pa ziige ite. Tauvene iit loloon poia ve tintiniin pa ŋgar tau i igham pazi ta sewe.

⁷I tapiri tiina kat. Pale igham pooz taghon taghon gha ila. Saawe isov, i maata pa tamtamon to nughmariŋ, ve igagabiiz zi. Tauvene yam to zoraaŋ saveeŋ, azoor pooz tooni muul sov. Aleep ila i saamba.

⁸Yam nugh nugh, apait Maaron tsiei pa poia tooni. Apakuru toman aliŋamim tiina, leso tamtamon tilooŋ paitooŋ tsiam.

⁹Pa i ta ikiskis ghiit taleep mataan yaryaare. Ve i iŋginŋgin ghiit, tauta tatap mako, ve tayooz tuŋia.

¹⁰Onoon kat, Maaron yo utoov ghei pa pataŋani siriv to ugham ghei niŋgalaaŋ ila yo matam, imin silva tau tighuru ila yav, leso yav ighani gha muun ighau, ve iŋgalaaŋ kat.

¹¹Yo ugham ghei nighoon ila puugh tsio, ve ughur pataŋani tiina kat izaa tsiei.

¹²Yo upul koiamaiŋa tiliiv ghei, ve karis toozi to malmal tilaan izala pavomai. Pataŋani tsiei, ene imin nilaagh ila yav tau ighanghan na loolo, ve nilaagh ila yaa tau ivon le tapiri tiina. Eemon yo upas ghei nivot pa pataŋani tsiei, ve ugham ghei nileep poia, ve nirau kat pa gabua naol.

¹³Saawe tau naleep ila pataŋani loolo, yau nasaav payo naghe: “Isaav ighe yo uul ghau, yau aat nagham watooŋrau payo.” Tauta aazne, nataghon saveeŋ mbuaaŋ tsiau tana, ve nalam rumei tsio naghe naghur watooŋrau tsiau izala artaal, leso yav ighan dodolini.