Mbouŋ To Yes Israela 66:15-20

¹⁵Yau aat nagham gabua tumbuŋazi, ve narav zi timin watooŋrau payo, ve yav ighan zi le tisov. Yav pale ighan sipsip tsiau zitamoot, ve vazizi poia izalat payo. Ve tane mon mako. Pale nagham watooŋrau pa makau ve mekmek paam.

¹⁶Yam tau aroi pa Maaron ve ataghon ŋgar tooni na, asov alam ve alooŋ saveeŋ tsiau tane. Yau naghe navotia uraat tiina tau i igham payau.

¹⁷Yau nataŋ raraini pa uleeŋ, ve avog ipaiti paam.

¹⁸Saawe tana, imin ta nakis ŋgar saghati eta igheen ila lolog, kanaŋ Ŋeer Tiina irau ilooŋ suŋuuŋ tsiau mako.

¹⁹Eemon i ighur taliiŋa payau, ve ilooŋ suŋuuŋ tsiau.

²⁰Tauta napait Maaron pa poia tooni. Pasaa, i imbuzir pa suŋuuŋ tsiau mako, ve ipas poia tooni payau mako. Ŋgar tooni tau loolo isaghav tamtamon tooni ve iuluul zi, tauta itotoia payau.