Mbouŋ to Yes Israela 51:14-17 in Mutu

¹⁴ Maaron, sosor tiou to narab tamtoghon imaat, nene tiina kat. Irau namaat pani. Eemoghon yom Maaron tiou ve Volaaŋa tiou. Tovenen ugham mulin ghou, ve ureu sosor tiou ilale. Leso lolog poia kat, ve nambou tapirig, ve napait izam pa ŋgar tiom deŋia.

¹⁵ You mayag pa sosor tiou, ve neneeŋag. Tovenen ureu sosor tiou ilale. Leso avog pakia, ve napait izam.

¹⁶ Maaron, yom lolom pa nagham ŋgai inim watooŋrau payom malep. Watooŋrau to yab ighan suvuni ne paam. Inimale igham ghom lolom poia, tone naghami. Eemoghon yom lolom pa ŋgar tovene maau.

¹⁷ Watooŋrau to yom lolom pani, nene vene: You irau natatan taug, ve lolog ipataŋan pa sosor tiou. Nene watooŋrau kat. Tamtoghon to ighaze itatan tau, ve lolo ipataŋan pa sosor toni, nene yom irau upul murim pani maau.

¹⁴ Maaron, sosor tsiau to naliŋ siŋ, ene tiina kat. Irau to namaat pani. Eemon yo Maaron tsiau ve Uleeŋa tsiau. Tauvene ugham mulin ghau, ve ureu sosor tsiau ilale. Leso lolog poia kat, ve nambou toman aliŋag tiina, ve napait ezam pa ŋgar tsio duduuŋa.

¹⁵ Yau mayag pa sosor tsiau, ve naneneeŋ mon. Tauvene ureu sosor tsiau ilale. Leso avog pakia, ve napait ezam.

¹⁶ Maaron, yo lolom pa nagham ŋgai imin watooŋrau payo mako. Watooŋrau tau yav ighan dodolini na paam. Imin ta igham ghom lolom poia, kanaŋ naghamu. Eemon yo lolom pa ŋgar tauvene kat mako.

¹⁷ Watooŋrau tau yo lolom pani na, ene tauvene: Yau aat natatan taug, ve lolog ipataŋan pa sosor tsiau. Ene watooŋrau tauu. Tamtamon tau ighe itatan tauu, ve loolo ipataŋan pa sosor tooni, ene yo irau ughur murim pani mako.