Mbouŋ To Yes Israela 49:5-7

⁵Isaav ighe saawe saghati eta ivot, ve zeran sasaghati tomania zeran karomŋa tilivutin ghau to tivaghamun ghau, ene irau naroi mako.

⁶Onoon, yes tindoundou lezi gabua katini. Tauta tinumeer gabua toozi tawe, ve tipakur zi pani.

⁷Eemon gabua toozi tawe irau igham mulin zi pa mateegh mako. Pasaa, tamtamon eta irau ighol Maaron leso ipaghau mateegh pani ve lepoogh tooni to taan iseeŋga taghon gha ila ne mako. Ŋgar tauvene, tapuli ileple. Pa lepoogh tauvene, atuya ite kat.