Mbouŋ To Yes Israela 28:1-4

¹Mbouŋ to David Yoova, yo uponpoon ghau pa koiagŋa imin maet tiina. Tauvene taŋiiz tsiau ilat payo. Ughur taliŋam pa suŋuuŋ tsiau tane ve uul ghau lak! Ighe ulooŋ ghau mako, ve uneneeŋ mon, ene pale namin yes tau timaat gha tizila puura to yes mateegha.

²Aazne, yau nait nimag izaa iŋarui rumei tsio loolo tau patabuyaaŋ kat na, ve nataŋ rarai ghom pa uleeŋ. Ulooŋ taŋiiz tsiau tane ve lolom isaghatin ghau. Pa yau besooŋa tsio.

³Saawe tau yo ughur atuya pa zeran sasaghati, na ugherev ghau nala tomani zi sov. Yes tau tinoknok ghamuuŋ sosor na, nalaleg tomani zi sov. Zeran tawe tisasavia saveeŋ poia pa zetazŋa tighe lolozi pazi. Eemon ŋgar tau igheen ila lolozi na, ene ite. Tighe tivaghamun zi.

⁴Yes tikaria ghamuuŋ sosor wa. Tauvene ughur atuya pazi ve uŋgal matazi. Leso uyat ŋgar toozi saghati tawe. Ugham tauvene, o iduduuŋ. Pasaa, ŋgar tau tighamghamu na, poia mako.