Mbouŋ to Yes Israela 24:1-8 in Mutu

¹ Taan toman mbeb tisob to tineep ila, nene to Yoova. Ndug tisob toman tamtoghon to tineep ila, nene toni moghon.

² Pasa, ye to ighur taan ipot izala te pogho. Ve ipariaaŋ taan pughu ineep tuŋia izila te lolo to sila kat we.

³ Sei irau izala lolooz to Yoova ve isuŋ pani? Ve sei irau ilooŋ ila rumai toni patabuaŋ, ve iyoon ila mata?

⁴ Tamtoghon tovene: Ye igham sosor eta maau. Ve ŋgar isob to ineep ila lolo, nene ŋgalaaŋa moghon. Ye ipait maaron kaaromŋa maau, ve iwaat Maaron iza sorok pa ipalot saveeŋ kaarom maau.

⁵ Tamtoghon tovene, poia to Yoova pale iza toni. Maaron to Volaaŋa toni ne, pale igham mulini ve ineep pooi, ve ipatooŋa ighaze ye ŋgeu deŋia.

⁶ Ndiran tovene tizuaria di pa Maaron. Yes tighaze tila tivot to Maaron to Yakop nagho, ve tisuŋ pani.

⁷ O yam ataam, akaak ve tinimim iza. Yam ataam to muuŋ kat tigharaat gham, tinimim iza, ve akaak le akaak kat. Leso soso irau kinik to iza tiina pa tapiri ve poia toni, itaghoni ilooŋ ila.

⁸ Laak, kinik to iza tiina pa tapiri ve poia toni, nene sei? Nene Yoova. Ye ariaŋa, ve tapiri tiina. Ve ye iraua kat pa malmal.

¹ Mbouŋ to David Taan tomania gabua naol isov tau tileep ve tigheen ila, ene to Yoova. Nugh tisov tomania tamtamon tau tilepaar ila, ene i tooni mon.

² Pasaa, i ta ighur taan ipot izala te paavo. Ve ipariaaŋ taan puughu igheen tuŋia izila te loolo ta siiŋa geeg.

³ Sei irau izala loloz to Yoova ve isuŋ pani? Ve sei irau iloŋ ila rumei tooni patabuyaaŋ ve iyooz ila i naagho?

⁴ Tamtamon tauvene: I igham sosor eta mako. Ve ŋgar isov tau igheen ila loolo na, ene iŋgalaaŋ mon. I ipait maaron karomŋa mako, ve iwaat Maaron eeza sorok to ipalot saveeŋ karom mako.

⁵ Tamtamon tauvene, poia to Yoova aat izaa tooni. Maaron tau Uleeŋa tooni na, pale igham mulini ve ileep poi, ve ipaghazoŋaini ighe i ŋeer duduuŋa.

⁶ Zeran tauvene tizuari zi pa Maaron. Yes tighe tila tivot to Maaron to Yakop naagho, ve tisuŋ pani.

⁷ O yam ataman, akaak ve tinimim izaa. Yam ataman to muuŋ geeg, tinimim izaa, ve akaak le akaak kat. Leso sooso irau kinik tau eeza tiina pa tapiri ve poia tooni na itaghoni iloŋ ila.

⁸ Laak, kinik tau eeza tiina pa tapiri ve poia tooni na, ene sei? Ene Yoova. I saksaki, ve tapiri tiina. Ve i irau kat pa ghamuuŋ malmal.