Mbouŋ To Yes Israela 22:23-24

²³Yam tau aroi pa Yoova ve ataghon ŋgar tooni na, apakuru. Yam siŋ to Yakop, apait Yoova eeza pa tapiri ve poia tooni. Yam Israela asov, aroron ve aroi pani.

²⁴Pa yes tau tibadbaad pataŋani ve tighur matazi pa Yoova na, i irau ighita pataŋani toozi imin kaut sorok ne mako. Pale iuul zi. Irau ivelegh zi, ma ighur muuri pazi ne mako. Tauvene saawe tau titaŋ raraini pa lezi uleeŋ, i aat ilooŋ taŋiiz toozi ve iuul zi.