Mbouŋ To Yes Israela 18:12-14

¹²I ileep ta sewe toman mbonari tiina, ve igham nugh ighani milmilia. Tauta lalaav iŋgalŋgal izi, ve ais paatu paatu tomania yav ŋgilaaŋi titaptap tizi pa taan.

¹³Yoova ileep izi sambam, ve isaav toman aliiŋa tiina kat, imin lalaav luutu. Maaron Tiina Tau Iliiv Zimaronŋa Tisov na aliiŋa ivot. Ve yav ŋgilaaŋi tomania ais paatu titaptap tizi.

¹⁴I igham lalaav iŋgal koiŋa imin paneegh natŋa tooni. Tauta roiŋ tiina igham zi, ve tighawaar mbiriis.