Mbouŋ To Yes Israela 16:6-8

⁶Gabua naol tau yau nagham zi ilat tsio, ene popoiazi mon. Onoon kat, lepoogh tsiau tau Yoova igham payau ne, ene poia kat. Imin naleep ila taan paghuuna ee tau tipuli payau.

⁷Yau napait Yoova pa poia tooni. Pasaa, i ighamgham pooz payau, leso nataghon eez poia. Mboŋ paam, ŋgar tau i ighuru ila lolog ne, itotoi eez payau.

⁸Saawe isov, matag iŋgalŋgal naghe Yoova ileep tomani ghau. I ilepleep ila zigeg tapir ve ipapalot ghau. Tauvene gabua eta irau igham ghau narur ne mako.