Mbouŋ To Yes Israela 145:17-21

¹⁷Ŋgar isov tau Yoova ighamgham zi na, ene iduduuŋ mon, ve itotoi ighe i loolo isaghav tamtamon tooni ariaaŋ ve iuluul zi.

¹⁸Tamtamon tisov tau ighe titaŋ raraini pa uleeŋ toman lolozi, ene i ileep igharau zi ve iuluul zi.

¹⁹Ve yes tau tiroi pani ve titaghon ŋgar tooni na, isaav ighe lolozi pa gabua eta ve tighasoni pani, ene i aat ilooŋ zi ve igham gabua tana pazi. I iloŋlooŋ taŋiiz toozi, ve iuluul zi.

²⁰Tauvene yes tau lolozi igheen tooni na, i maata pazi ve imin sigheu pazi. Eemon zeran sasaghati, i aat ivaghamun zi tisov tilalez.

²¹Avog pale ipait Yoova. Ve gabua naol isov tau i ighur zi na paam, aat tisov tipait eeza patabuyaaŋ. Ta aazne, ve taghon taghon gha ila.