Mbouŋ To Yes Israela 145:10-15

¹⁰O Yoova, gabua naol isov tau yo ughur zi na, pale tisov lolozi poia payo ve tipait ghom. Ve tamtamon tsio tau lolozi isaghav ghom ariaaŋ na, yes pale tipait ghom pa poia tsio.

¹¹Pale tisavia pooz tsio tighe ene gabua tiina ve poia. Ve tivotia varum tighe yo tapirim tiina le tiina kat.

¹²Leso tamtamon tisov tiwatagh uraat tsio tintiina tau itotoi tapirim. Ve tighilaal tighe pooz tsio, ene gabua tiina ve paghuuna kat.

¹³Pooz tsio ighengheen tauvene irau saawe. Gabua naol isov pale tileep ila yo sambam, ve uŋgin zi taghon taghon gha ila. Yoova itataghon saveeŋ tooni isov. Ve uraat tooni ta naol ne, titotoi tighe i loolo isaghav tamtamon tooni ariaaŋ ve iuluul zi.

¹⁴Yes tau aghezi pusukia ve tighe titap, i ikiskis zi tuŋia. Ve tamtamon tisov tau pataŋani itatan zi na, i iuul zi, ve iit zi tizaa.

¹⁵Gabua isov tau matazi yaryaare na, matazi ilatlat payo. Saawe tau pitool zi, yo ugham lezi aniiŋ. Yo ukaak nimam ve upan zi, ve tisov tighan le apozi isuŋ.