Mbouŋ to Yes Israela 139:18-24 in Mutu

¹⁸ Ighaze natoova pa nanin di, nene naraua maau. Tilib pa magargaar to naari. Mboŋ, matag iŋgalŋgal ghom tovene ila le ndugizau, ghoro namundig ve naghilaal naghaze yom unepneep toman ghou.

¹⁹ O Maaron, you naghaze yom urab ndiran samsamia tisob timatmaat, ghoro poia! Ve yes to tirabrab tamtoghon le naghodi siŋ, upaghau di tila saguan payou.

²⁰ Koiamŋa tonowen, tighamgham ŋgar samsamia naol ila izam. Tiwatwaat izam sorok pa tipariaaŋ kaarom todi.

²¹ O Yoova, yes to tighur koi payom, you paam naghur koi padi. Ve yes to tizorzoor ghom, lolog padi rita maau.

²² You naghur koi padi, ve naghita di tinimale koiagŋa kat.

²³ O Maaron, uŋgabiiz lolog ve ŋgar tiou. Utoov ghou, leso uwatag katin ŋgar to ineep ila lolog. Utiir poian ghou ve ughita: Ŋgar samia eta ineep ila lolog, ma maau?

²⁴ Ighaze you nayel pa ataam tiom, upasaluŋgan ghou. Leso nataghoni kat, ve naneep pooi itaghoni taghoni gha ila. Ataam tonenen ineep muuŋ ve inim.

¹⁸ Isaav ighe natoova to nanin zi, ene narao mako. Tiliiv sausau to nari. Mboŋ, matag iŋgalŋgal ghom tauvene ila le nughizau, ra naburig ve naghilaal naghe yo ulepleep tomani ghau.

¹⁹ O Maaron, yau naghe yo urav zeran sasaghati tisov timataar, o poia! Ve yes tau tiliŋliŋ siŋ pa tamtamon na, upaghau zi tila soghan payau.

²⁰ Koiamŋa tawe, tighamgham ŋgar sasaghati naol ila yo ezam. Tiwatwaat ezam sorok to tipariaaŋ karom toozi.

²¹ O Yoova, yes tau tighurghur koi payo na, yau paam naghurghur koi pazi. Ve yes tau tizorzoor ghom na, lolog pazi rigta mako.

²² Yau naghurghur koi pazi, ve naghit zi timin koiagŋa kat.

²³ O Maaron, ugabiiz lolog ve ŋgar tsiau. Utoov ghau, leso uwatagh katin ŋgar tau igheen ila lolog ne. Utiir poghani ghau ve ughita: Ŋgar saghati eta igheen ila lolog, ma mako?

²⁴ Isaav ighe yau nasosor pa eez tsio, na upaduduuŋ ghau. Leso nataghon duduŋaini, ve naleep poia taghon taghon gha ila. Eez tawe, igheen ta muuŋ ve ilam.