Mbouŋ To Yes Israela 130:1-6

¹Mbouŋ to yes tau tizala Yerusalem pa suŋuuŋ O Yoova, aazne naleep ila pataŋani tiina loolo, imin nazal nazila mazavan! Tauvene nataŋ rarai ghom.

²Tiina tsiau, ughur taliŋam pa taŋiiz tsiau. Lolom isaghatin ghau, ve ulooŋ suŋuuŋ tsiau tane.

³Yoova, isaav ighe matam kisin sosor tsiei, sei irau iyooz ila naghom? Eta mako.

⁴Eemon yo poia puughu, ve ureureu sosor tsiei. Leso niroi payo, ve nitaghon ŋgar tsio.

⁵Yau nanumeer Yoova ve naghurghur matag pani naghe ŋeez o iuul ghau? Yau naghur ila saveeŋ mbuaaŋ tooni, tauta nasaŋan pa uleeŋ tau pale ivot.

⁶Yau nasaŋan Yoova to iuul ghau. Naghur matag pani imin yes tau tiŋginŋgin nugh pa mboŋ na, tighur matazi pa nughizau. Isaav ighe tighita aaz pisikia izaa, ene igham zi lolozi poia.