9 Nu ta mborro tai. Sombe duubu zoŋo zirzirŋana, na nu rao be kam ma taun isu.
10 Mi muŋgu nu petepaala Rahab uteene ma imeete. Mi nomom mburaanaŋana ta iyaŋgwiiri kom koi bizin ma tiko papirik.
11 Saamba na koroŋ ku. Mi toono tomini, ina koroŋ ku men. Pa nu ta ur saamba mi toono ramaki koroŋ boozomen ta timbotmbot pa.
12 Nu ur toono ma ila imap su re uunu, mi ila imap su iwaara uunu. Abal Tabor mi abal Hermon lelen ambai pu mi timbombo mboe be tipakur zom.
13 Nu mburom keskeezeŋom. Nomom woono na, mburaana ilip kat be ikas kom koi bizin.
