10 Mi sua ta ziŋan Anutu timbuk na, titoto som. Mi tipa pai kizin ma indeeŋe pa tutu kini som.
11 Mi matan mbeleele uraata ta muŋgu Anutu ikamam pizin na. Mos bibip ta ni ikam la matan ma tire kat na, matan iŋgalŋgal som.
12 Indeeŋe ta tumbun bizin timbotmbot Aikuptu na, Anutu itooro mos bibip su lele keteeneŋana ki Zoan mi zin tire kat pa matan.
13 Mi ni ikam ma tai imet ma iwe ru. Ikam ma tai imender kembei ta siiri mbolŋana. Tabe iur zaala pizin mi tipa ma tilae mbaaga.
14 Aigule na, ni imbotmbot la miiri tieene, mi imuŋmuuŋgu pizin mi izzo zin pa zaala. Mi mbeŋ na, ni iwe kembei ta you mi imuŋmuuŋgu pizin.
