Mboe 78:10-14

¹⁰Mi sua ta ziŋan Anutu timbuk na, titoto som. Mi tipa pai kizin ma indeeŋe pa tutu kini som.

¹¹Mi matan mbeleele uraata ta muŋgu Anutu ikamam pizin na. Mos bibip ta ni ikam la matan ma tire kat na, matan iŋgalŋgal som.

¹²Indeeŋe ta tumbun bizin timbotmbot Aikuptu na, Anutu itooro mos bibip su lele keteeneŋana ki Zoan mi zin tire kat pa matan.

¹³Mi ni ikam ma tai imet ma iwe ru. Ikam ma tai imender kembei ta siiri mbolŋana. Tabe iur zaala pizin mi tipa ma tilae mbaaga.

¹⁴Aigule na, ni imbotmbot la miiri tieene, mi imuŋmuuŋgu pizin mi izzo zin pa zaala. Mi mbeŋ na, ni iwe kembei ta you mi imuŋmuuŋgu pizin.