9 Peeze ku ko mbolŋana kat. Tana ko punmeete mburan kembei ta tomtom ipetepaala kuuru ma imapalpaala.’”
10 Tana niom king ta boozomen, kakam kat ŋgar. Mi niom peeze koyom tomini, kere be koto sua tio ti.
11 Kozo komoto Yooba, keleŋ la kalŋaana, mi kembeeze pini. Mi kokoto ituyom, mi kelek kumbuyom pa Lutuunu. Kere: Kokena kepei Anutu kete malmalŋana kini, to ipasaana yom karau men, mi kemetmeete ma kala leyom. Paso, ni mata mburmburŋana.
12 Mi wal ta so tipase pini be iwe ur pizin mi imenderkaala zin na, zin ta boozomen ko lelen ambai kat, mi kampeŋana kini imbotmbot se kizin.
