Mboe 2:9-12

⁹Peeze ku ko mbolŋana kat. Tana ko punmeete mburan kembei ta tomtom ipetepaala kuuru ma imapalpaala.’”

¹⁰Tana niom king ta boozomen, kakam kat ŋgar. Mi niom peeze koyom tomini, kere be koto sua tio ti.

¹¹Kozo komoto Yooba, keleŋ la kalŋaana, mi kembeeze pini. Mi kokoto ituyom, mi kelek kumbuyom pa Lutuunu. Kere: Kokena kepei Anutu kete malmalŋana kini, to ipasaana yom karau men, mi kemetmeete ma kala leyom. Paso, ni mata mburmburŋana.

¹²Mi wal ta so tipase pini be iwe ur pizin mi imenderkaala zin na, zin ta boozomen ko lelen ambai kat, mi kampeŋana kini imbotmbot se kizin.