156 O Yooba, nu lelem izanzaana kat pa zin wal ta timbotmbot raama pataŋana na. Tana to mbulu ku ndeeŋeŋana, mi uulu yo ma aŋbot ambai mini.
157 Pa koŋ koi bizin ta tiseseeze motoŋ na, boozo kat. Mi zaala ta nu ur pa wal ku na, aŋzem ka tutu som.
158 Nio aŋre zin wal ta tipizil ndemen pu na, leleŋ pizin risa som kat, mi aŋbotmbot molo pizin. Pa zin titoto sua ku som.
159 O Yooba, re. Sua boozomen ta nu ur na, nio leleŋ pa ilip. Uulu yo ma aŋbot ambai. Pa nu toto sua ku mbukŋana mi urur lelem pa wal ku.
