Mboe 119:156-159

¹⁵⁶O Yooba, nu lelem izanzaana kat pa zin wal ta timbotmbot raama pataŋana na. Tana to mbulu ku ndeeŋeŋana, mi uulu yo ma aŋbot ambai mini.

¹⁵⁷Pa koŋ koi bizin ta tiseseeze motoŋ na, boozo kat. Mi zaala ta nu ur pa wal ku na, aŋzem ka tutu som.

¹⁵⁸Nio aŋre zin wal ta tipizil ndemen pu na, leleŋ pizin risa som kat, mi aŋbotmbot molo pizin. Pa zin titoto sua ku som.

¹⁵⁹O Yooba, re. Sua boozomen ta nu ur na, nio leleŋ pa ilip. Uulu yo ma aŋbot ambai. Pa nu toto sua ku mbukŋana mi urur lelem pa wal ku.