Mateo 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹A-iba-nergwad-sorbali, Jesús, bachik Pedro, Santiago, degine, Santiago-urba Juan, amar bachik yar-bir-matusulidse sesad.

²Amar-asabin yar-birgi-gwichi Jesús-e-san-dakleged gwagde-gusad, na e-wagar dad-ibeler-gaeyobi gade-gusad, degine, e-mormar bela ise-sipumakar, bela dagudik, gwallubayobi dakle-naded.

³Geb agi Jesús-sapingan-warbaagwad dakdemalad, dulemar epenne-dula-gudigusmalad, Moisés, degi, Elías, amar Jesúsmala sunmakgwichi.

⁴Geb degi Pedro Jesúsga sogdesun: —Dummad, we nueddo wegi anmar gudigu. Ar be abegele, anmar wegi obunnoged-neg-gwapaa sobmalodo: Gwagwen bega, baid Moisésga, geb baid Elíasgarmo.

⁵Ar amba Pedro sunmakgwichi, mogir mee emar-birgi nagunonikid. Geb agi mogir-imbaba gaka-burba gollalid, sogded: “We An-Machi-sabedi gued, we-machigi yeer an itoged. A-Machi nue be itomar.”

⁶Ar Jesús-sapingan degi-gaya-burba itosmargua, yog napase askun sindigar sigidmalad, bela nue-dobe-ito nadmalad.

⁷Geb degi Jesús na e-sapingan-walik nonisunnad, e-argangi ebunonikid, emarga sogded: —Be gwisgumar, mer be dobgumar.

⁸E-sapingan nono-onakwidmargu, dakdemalad, unnila bato Jesúsbi walagwen gwichi.

⁹Jesús na e-sapingan-warbaagwadmala yar-birgi-gwichi aidearmargu, na e-sapinganga ise-sabsur sogded: —Mer bipisaar an-san-gwagsad bemar daksamaladi dulemarga sogmaloye, geb Dule-Machi burgwisar gannar durgusad-sorba, geb be sogmaloye.

¹⁰Geb degi e-sapingan Jesússe egichiarmarsun, ega sogdemar: —¿Ibiga degite, escribamar sogmarsunna, Bab-Dummad-dule-wargwen-barmidagoye-sogsad-dule-nonikoed-idu, Elías-inse nonigweloye?

¹¹Jesús, abin-imakdegu, sogded: —Ar napiragwad, Elías-inse bina nonikoed, bela-dulemar Bab-Dummad-igargi-binsaega nudaknonikoed.

¹²Ar andi an bemarga soged, Elías bato nonikid. Nonigu, aku-daksa-gusmalad, ar igi na imakbi-gusmala, deyob Elías-imaksa-gusmalad. Amba deyob ani Dule-Machi, amarse odurdaklemogoed.

¹³Geb degi e-sapingan mag itosmalad, Juan-Bautista-nik ega ibmar soged.

¹⁴Jesús na-e-sapingan-warbaagwadmala dulemar-bukidar-bukmaladse aidenonimargu, dule-wargwen Jesússe nonikid, yokorgi sindigar abin signonikid, ega sognoni:

¹⁵—Dummad, an-machi wile be dake, an-machi burwa-saar-daed, degine, ani nue odurdaklediid, imbagwenar soogi argwate-daed, imbagwenar digi argwate-daed.

¹⁶Ar be-sapinganga an-machi an senonikinad, be-sapingan anga gwen nudaksasurmalad.

¹⁷Jesús, abin-imakdegu, sogde: —¡Bemar Babgi-bengumalad-dulemar, bemar Bab-igar-oakalogedmar! ¿Sanase bemar-abargi an gudiguosunna, bemar mer an-bengumalagar? ¿Sanase mag be itomaloe? Budar an bemar-daked danikid. Machigwa anse be sedamar.

¹⁸Geb degi machigwa Jesússe senonimargu, Jesús niaga binnasur ibmar sokar, geb agi nia-machigwagi-maid nodsun, geb agi machigwa nugussunnad.

¹⁹Geb e-sapingan Jesússe bachikii nonigu, ega sokarmalad: —¿Ar ibiga anmardi geg niaburba-onogusmala?

²⁰Jesús abin-sogde: —Ar bemar ulubgi amba angi benmarsoggu, a-ular geg niaburba bemar onogusmalad, ar napiraa an bemarga soged, ar bemar wismalad igi mostaza-gwag bur-bipigwa. Ayob-dungu bemar angi bensulir, sunna we-yarga be sogsamalaled: ‘Wegi-siid be weba ainir,’ ar yar ainirisaled. Ar ibmar bela be imakedbiirdo.

²¹An-emis-nia-onosadgiid, geg dule onoged, unnila mas-gunsuli Bab-Dummadse-goledgi geb bemar sunna wegiid-niamar-onoged.

²²Jesús Galilea-yargi bipirmakdimaladgi, na e-sapinganga sokalid: —Ani Dule-Machi, dulemarse uklegoed.

²³Geb agi dulemar an-oburgwemaloed. Ar degite, ibapaagi gannar an durguoed. E-sapingan Jesús-deyob-ega-soge itoarmargu, nue wile-itodmalad.

²⁴Jesús na e-sapinganmala Capernaumse modapmalad, dulemar-Bab-Dummadse-goled-negga-mani-wemalad Pedrose nonimalad, ega sognonimalad: —¿Bemar-odurdaked-saila, we Bab-Dummadse-goled-negga-mani-weleged bennuksuli?

²⁵Pedro, abin-sogde: —Anmar-odurdaked-saila bennuke. Negse Pedro dogdegua, Jesús-inse ega sunmakalid, ega sogded: —Simón, be dakegua, reymar-we-napnegginmalad ¿doamargi we mani ga-damar be insae? ¿E-sordamargine, igi, dulemar-baigangine?

²⁶Pedro, abin-sogde: —E-sordasurmaladgi mani galeged. Jesús Pedroga sogdesun: —Degisoggu, e-sordamardi geg bennuksundo.

²⁷Ar degi-inigwele, dulemar mer anmargi urwemalagala, mata-dummadse be nae, be ua-sona. Ua gebe-be-sooedi, e-gaya be egaoed, a-e-gaya-yaba be mani-amioed. A-manigi bega, degi, anga, be mani-galeged bennukoed.