ማርቆሳ 4:23-33 in Gamo

²³ ሄሳ ጊሽ ሲዪዛ ሃይꬂ ዲዛዴይ ሲዮ!” ጊዴስ።

²⁴ ጉጂዲካ “ኢንቴ ሲዪዛይሳ ዎዝናን ዎꬂቴ፤ ኢንቴ ማኪዛ ሚሻራ ኢንቴስ ማኬታና፤ ሄሳፌካ ዳሮይ ጉጄታና።

²⁵ ዲዛዴስ ጉጄታና ሺን ባይንዳዴፌ ኢዛስ ዲዛራካ ኤኬቲቻና” ጊዴስ።

²⁶ ቃሴካ ዬሱሲ “ፆሳ ካዎቴꬂ ዜሬꬅ ዜሪዛ ኢሲ ኣስ ሚሳታዉስ።

²⁷ ዜሪዳዴይ ኦማርስ ꬊሲኬስ። ዎንቲሺን ዴንዴስ፤ ጊዶ ኣቲን ኢዚ ኤሮንታ ዲሺን ዜሬቲዳ ካꬃይ ሞኪዲ ዲጬስ።

²⁸ ጋዴያካ ኮይሮ ጫሬች፥ ካሌꬃዳ ፑꬌ፥ ቅሴካ ፑꬌዛ ቦላ ሎዖ ኣይፌ ኢማዉስ።

²⁹ ካꬃይ ካፂዳፔ ጉዬ ቦኔይ ጋኪን ኬꬃ ኣዋይ ሄራካ ማፃ ኦይኬስ” ጊዴስ።

³⁰ ዬሱሲ “ፆሳ ካዎቴꬅ ኑ ኣዛራ ጊኒሳኔ? ኣዛራ ሌሚሳኔ?

³¹ ቢታ ቦላ ኡባፌ ላፋ ጊዲዳ ሳናፊጬ ኣይፌ ሚሳታዉስ።

³² ዜሬታዳ ዲጪዳፔ ጉዬ ቃስ ኣታኪልቴታ ኡባፌ ኣꬊዛ ጊሽ ካፎቲ ዪዲ ሄ ኣታኪልቴይ ሃጋታ ኩዋ ጊዶን ሼምፔቴስ” ጊዴስ።

³³ ዬሱሲካ ኣሳይ ኤካናስ ዳንዳዪዛይሳ ኬና ሃይታ ሚሳቲዛ ሃራ ዳሮ ሌሚሶራ ኢስታስ ዮቲዴስ።

²³ Hessa gish siyiza haythi dizaddey siyo!” gides.

²⁴ Gujidikka “Inte siyizayssa woznan woththite; inte makkiza miishara intes makettana; hessafekka daroy gujettana.

²⁵ Dizaddes gujettana shin bayndadefe izas dizaarakka ekketichana” gides.

²⁶ Qasseka Yesusi “Xoossa kawotethi zereth zeriza issi as misatawus.

²⁷ Zeridadey omars dhisikees. Wontishin dendees; gido attin izi eronta dishin zerettida kaththay mokkidi diccees.

²⁸ Gadeyaka koyro caarech, kaalethada pudhe, qsseka pudheza bolla lo7o ayfe immawus.

²⁹ Kathay kaxxidappe guye boney gakkin keeththa aaway heerakka maxa oykkes” gides.

³⁰ Yesusi “Xoossa Kawoteth nu aazara ginisanee? Aazara leemisanee?

³¹ Biitta bolla ubbafe laafa gidida sanafice ayfe misatawus.

³² Zeretada diccidappe guye qas atakilteta ubbafe aadhdhiza gish kafoti yiidi he atakiltey haggata kuwa giddon shempeetes” gides.

³³ Yesusikka asay ekkanas dandayizayssa keena hayta misatiza hara daro leemisora istas yootides.