Marko 1:1-9

¹Tyenwa yinuwakikolu Kiglerpotunanu Tokanchi Geso Kristopirana Goyakalu Wgene.

²Wane rixa yokanatkaluru Gisayiya Goyakalu tokanu geneklewatachri. Wane china: Gita yokanatlu notowreru pixa penute. Wale galpokotanru patnugapote.

³Yineru mwiyawakanu saplewatyachri wane china: Galpokotanru Gitsrukachi gatnugapote. Mpotukatanru gigapkaka.

⁴Gwa katlewata yineru mwiyawakanuya. Wane runkakyana yine genshinikanutachinepa katinripna. Ga wa kaspukamukochiretikolupapirana runkakna.

⁵Rushpakyegitluna pejnuruneko Gotesreta gajene ga wa Gerosale gajene koxa. Wanna ptowruneko katka Gorta gapgaya. Rupgujtamukochiretnawana.

⁶Wa Gwa makatlu kameyopixi. Wa pamta gipchiji rushrika. Wale niklu tsetse ga wa wrolga gosha gajeru.

⁷Runkaklewata. Wane china, “Runa najxigi Gita pnute muchkonurutu. Gi wa Gita gimukluni nyomshokinri nkoshpirokyaplu yoshmaklejixitsa.

⁸Gita galikakni katgi gonuya. Wa Wale katangi Giwekikaluru Kpashiriya.”

⁹Wane gixlutkani walegognekaka. Nasare Kalilechijne runyatka Geso. Wane Gorta gapga Gwa katyalu Geso.