MAAKU 9:32-43

³²Odi a yã pìi dↄ̀rↄ dↄ̃ro, akũ vĩna ń kũ ò yã pì gbɛkaa.

³³Akũ ò kà Kapɛnamu. Gↄrↄ kũ à kú bɛ, à a ìbanↄ là à pì: Bↄ́ lɛ́kpakↄ̃an átɛn kɛ zɛ́ gũnn?

³⁴Akũ ò yĩtɛna, zaakũ òtɛn lɛ́kpakↄ̃a kɛ zɛ́ gũn deńla yã musumɛ.

³⁵Akũ à vùtɛ à gbɛ̃nↄn kuri awɛɛpla pìnↄ sìsiai à pì: Tó gbɛ̃ ye à kɛ gbɛ̃ káaku ũ, ade gↄ̃ gbɛ̃ kpɛde ũ, àgↄ̃ gbɛ̃ sĩnda pínkinɛ zĩ̀ri ũ.

³⁶À nɛ́ fíti sɛ̀ à a zɛ̀ ń arɛ, akũ à a sɛ̀ à a kpà a kùla à pìńnɛ:

³⁷Gbɛ̃ kũ à nɛ́ dínↄ do sì ma ìbakɛ yãi, makũmɛ à sì. Gbɛ̃ kũ à ma si sↄ̃, makũmɛ à sì madoro, gbɛ̃ kũ à ma zĩn à sì.

³⁸Akũ Yuhana pìnɛ: Dannɛri, o gbɛ̃ke è, àtɛn tãnanↄ goḿma kũ n tↄ́o, akũ o ginɛ, zaakũ ó gbɛ̃nlo.

³⁹Akũ Yesu pì: Àsun gínɛro, zaakũ gbɛ̃ke ni fↄ̃ à daboyã kɛ kũ ma tↄ́o à ɛra à ma tↄ́ vãni sí doro.

⁴⁰Gbɛ̃ kũ adi ibɛrɛ kpá kũooro bi ó baakpɛmɛ.

⁴¹Yãpuran matɛn oárɛ, gbɛ̃ kũ à á gba ímina kũ á kun Kirisi pↄ́ ũ yãi, ade ni kura a láadairo.

⁴²Tó gbɛ̃ tò nɛ́ kũ ò ma náani vĩ dínↄ doke sã̀tɛ, anigↄ̃ sã̀na adenɛ ò wísilↄgbɛ zↄ̃kↄ̃ dↄ a wakalɛ ò a zu sɛ̀bɛɛ gũn.

⁴³Tó n ↄ mɛ́ àdi tó ǹ fu, ǹ zↄ̃ ǹ zukũna. À sã̀nannɛ ǹ gɛ̃ wɛ̃̀ndii gũn kũ ↄ kusuo de n gↄ̃ kũ ↄ mɛ̀n plaola ǹ gɛ̃ tɛ́ kũ àdi garo gũn gyãwãn.