MAAKU 9:28-47

²⁸Kɛ̀ Yesu gɛ̃̀ ua guu, ben à ìbanↄ à gbèka gusaɛ wà bè: À kɛ̀ dia wée fↄ̃ wà pɛ́ zĩn pìa à bↄroo?

²⁹Ben à wèńla à bè: Kɛ̀ taka è sí bↄro, sé kↄ̃n aduakɛnao.

³⁰Kɛ̀ aↄ̃ bↄ̀ gwe, ben aↄ̃ pã̀ Galilinɛ. Yesu yezi wàgↄ̃ a kúkii dↄ̃ro,

³¹zaakɛ èe yã daa a ìbanↄnɛmɛ. À bèńnɛ: Weé Gbɛ̃ntee Nɛ́ na gbɛ̃nↄnɛ ń ↄzĩ wà à dɛ, à gurↄ aagↄ̃dee zĩ eé fɛɛ.

³²Aↄ̃ↄe à yã pì dↄ̀rↄ dↄ̃ro, ben vĩa ń kũ aↄ̃ yã pì gbekaa.

³³Ben aↄ̃ kà Kapɛnamu. Gurↄↄ kɛ̀ à kú bɛ, à a ìbanↄ là à bè: Bↄ́ lɛokpakↄ̃an ée kɛɛ zɛ́ guuu?

³⁴Ben aↄ̃ yĩtɛna, zaakɛ aↄ̃ↄe lɛokpakↄ̃a kɛɛ zɛ́ guu dɛnlaa yã musumɛ.

³⁵Ben à vɛ̃̀ɛ à gↄ̃ↄn kuri awɛɛplaaa pìnↄ sìsiazi à bè: Tó gbɛ̃ yezi à kɛ gbɛ̃ káaku ũ, adee gↄ̃ kpɛɛdee ũ, à gↄ̃ baade pínginɛ zĩ̀ri ũ.

³⁶À nɛ́ féte sɛ̀ à à zɛ̀ ń aɛzĩ, ben à à sɛ̀ à à kpà a kùla à bèńnɛ:

³⁷Gbɛ̃ kɛ̀ nɛ́ kɛ̀nↄ doke sì ma ìbakɛɛ yãnzi, mámbe à ma si. Gbɛ̃ kɛ̀ ma si sↄ̃, mámbe à ma si madoro, gbɛ̃ kɛ̀ ma zĩin á sì.

³⁸Ben Yohana bènɛ: Dannɛri, wa gbɛ̃ke è, èe zĩnnↄ gooḿma kↄ̃n n tↄ́o, ben wa ginɛ, zaakɛ wa gbɛ̃nlo.

³⁹Ben Yesu bè: Àton gínɛro, zaakɛ gbɛ̃ke é fↄ̃ à dabuyã kɛ kↄ̃n ma tↄ́o à ɛara à ma tↄ́ zaaa sí dↄro.

⁴⁰Gbɛ̃ kɛ̀ èe íbɛtɛ kpáwaoroo nɛ́ wa gbɛ̃mɛ.

⁴¹Yãpuraan mɛ́ɛ ooare, gbɛ̃ kɛ̀ à a gba ímina kɛ̀ á kuu Kirisi pↄ́ ũ yãnzi, adee é kora a láadaziro.

⁴²Tó gbɛ̃ tò nɛ́ kɛ̀ ma náanɛ vĩi kɛ̀kiinↄ doke sã̀sã, eégↄ̃ sã̀ↄ adeenɛ wà wísilↄgbɛ gbɛ̃̀ntɛ̃ dↄ à waalɛ wà à zu sɛ̀bɛ guu.

⁴³Tó n ↄↄ bé è tó ǹ fu, ǹ zↄ̃ ǹ zĩnna. À sã̀ↄnnɛ ǹ gɛ̃ wɛ̃̀ndi kɛ̀ è yãaroo guu kↄ̃n ↄ kusuo dɛ n gↄ̃ kↄ̃n ↄ mɛ̀n plaaaola ǹ gɛ̃ tɛ́ kɛ̀ è garoo guu gɛ̀wãan.

⁴⁵Tó n gbá bé è tó ǹ fu, ǹ zↄ̃ ǹ zĩnna. À sã̀ↄnnɛ ǹ gɛ̃ wɛ̃̀ndi kɛ̀ è yãaroo guu ɛrɛ ũ dɛ n gↄ̃ kↄ̃n gbá mɛ̀n plaaaola wà n zu tɛ́n.

⁴⁷Tó n wɛ́ɛ bé è tó ǹ fu, ǹ bↄ. À sã̀ↄnnɛ ǹ gɛ̃ kpata kɛ̀ bↄ̀ Luda kiia guu kↄ̃n wɛ́ɛ dooo dɛ n gↄ̃ kↄ̃n wɛ́ɛ mɛ̀n plaaaola wà n zu tɛ́n,