26Igimu ka Manama tô sábbad manubù na si Adan, asta sikandin tô kamónaan katô langun manubù na góddô nit kaluwagan kani banuwa. Taganà igplano ka Manama tô kadugéyan katô ágpid asta katô ágsippangán katô tagsábbad-sábbad mga banuwa na góddóan dan.
27Igimu katô Áglangngagán tô langun-langun ébô mamasak tô langun manubù kandin, asta kitanán dan sikandin, su ánnà madiyù tô Manama tun ta tagsábbad-sábbad áknita.
28Su duwán ágkagin, na, “‘Ukit ka Manama, manté ki, asta makalumu ki, asta inému ki.’ Duwán igsulat katô mapandé mga unawa yu, na mà dan, ‘Sikita gó tô mga gabatà ka Manama.’