Luke 6:27-32

²⁷Ba guahe si tozini gamu Rau koa gamu kasa pu okoro va avoso mae: Tataru ni sari na mia kana, mamu tavete valeana la koari pu kukiti ni gamu.

²⁸Mana ni saripu leveni gamu, mamu varavara toka ni saripu ṉoṉovala gamu.

²⁹Be poharigo keke tie kali paparamu, si mu liṉana la nia pule si keke kalina. Be vagia keke tie sa mua koti, si mu lopu hukatia pana vagia tugo sa sa mua sote.

³⁰Mu poni sarini pu tepa nigo, meke be vagia keke tie si keke mua tiṉitoṉa, si mu lopu la tepa pule nia.

³¹Mi tavete la nia koa ri na tie gua sapu hiva ni gamu pude tavete atu nia koa gamu.

³²Be tale tataru ni mo gamu saripu tataruni gamu, si na minana savana si kote vagi nia gamu? Ura ari na tie huporo, ba hoke tataru ni tugo saripu hoke tataru ni si arini.