Luke 24:13-19

¹³Ka auyewana wayahina Iesu a tau vi‑muni‑waiwai ainua ineine aitam meagai ana wava Emausi wayahina. Ka meagaina ana bana Ierusalem wayahina ai yau 10 kilomitaV deina.

¹⁴Ka ainuai ineine ka dewaia habuhabui avaha Iesu wayahina ivinꞌ‑omo wayahia iaipuipupu.

¹⁵Ka ivenavenau ka iaipuipupu, ka Iesu vinꞌ‑omo wayahia, ka nui ineine

¹⁶kate tauna eha tꞌ‑awaehe inꞌ‑anamane tauna koiaka.

¹⁷Ka vi‑tanaiei, ivona, “Aviani wayahina uaipuipupu tutana uvenavenau etawana?” Ka taui yai nua‑vita nui matai ione tanopia, ka etawana imini‑vaneneha.

¹⁸Ka aitam wayahia ana wava Kileopasi Iesu vi‑tanaiei, ivona, “Vona ahiahina, wamke am heta‑ohota meagai Ierusalem nihenina mwagemwagem dewaia wayahi ivinꞌ‑omo auyewa aitonuata iakwa wayahia, a?”

¹⁹Wayahina Iesu vi‑tanaiei, ivona, “Avi dewaia?” Ka taui ivona, “Dewaia ivinꞌ‑omo Iesu me Nasareta wayahina. Tauna tau apa‑taputapu aitam, ka Yaubada matana kadue tomotau habuhabui mataia ya vonaia kadu ya dewaia bagibagina.