Luke 1:12-16

¹²And Zacarie seynge was afraied, and drede fel vpon hym.

¹³And the aungel seide to hym, Zacarie, drede thou not; for thi preyer is herd, and Elizabeth, thi wijf, schal bere to thee a sone, and his name schal be clepid Joon.

¹⁴And ioye and gladyng schal be to thee; and many schulen `haue ioye in his natyuyte.

¹⁵For he schal be greet bifor the Lord, and he schal not drynke wyn and sidir, and he schal be fulfillid with the Hooli Goost yit of his modir wombe.

¹⁶And he schal conuerte many of the children of Israel to her Lord God;