Luke 12:13-16

¹³And oon of the puple seide to hym, Maystir, seie to my brothir, that he departe with me the eritage.

¹⁴And he seyde to hym, Man, who ordeynede me a domesman, or a departere, on you?

¹⁵And he seide to hem, Se ye, and be ye war of al coueytice; for the lijf of a man is not in the abundaunce of tho thingis, whiche he weldith.

¹⁶And he tolde to hem a liknesse, and seide, The feeld of a riche man brouyte forth plenteuouse fruytis.