36Nengeni, märärum we Elisapet! Aramas ra apasa, pwe esap tongeni nöünöü, nge iei a tori awonuen maramen an pwopwo, nge inamwo ika a fokun chinlapala.
37Pun esap wor och Kot esap tongeni.”
38Maria a apasa, “Nengeni, ngang nöün ewe Samol chon angang. Epwe fis ngeniei usun om apasa.” Iwe, ewe chon läng a feila seni Maria.
39Mürin ekoch rän Maria a anükünük o feila fän pacheu ngeni eu telinimw won chukuchukutan ewe fanü Jutea.
40Iwe, lupwen a tori ikenan, a tolong lon imwen Sakarias o a kapong ngeni Elisapet.