Lukas 10:5-10 in Mutu

⁵ “Ruum sine to alooŋ ala pani, asavia saveeŋ palotiiŋ pa ruum tonenen tamtoghona muuŋ aghaze: ‘Maaron pale igham gham aneep pooi toman lolomim luuma.’

⁶ Ighaze ruum tonenen tau, ye ŋgeu to ŋgar luuma, nene pale luuma to Maaron to asavia, ineep toni. Ve ighaze maau, nene pale palotiiŋ tiam imuul pa taumim.

⁷ Ruum sine to papazogi tighur gham aneep pani, aneep tonanan moghon. Asakia gham ala ruum ite paam malep. Ve sa aniiŋ ma ya to tigham payam, arere malep. Aghan ve aghun moghon. Pasa, yes uraata irau tigham ledi atia.

⁸ Tovenen ighaze yam alooŋ ala pa ndug eta, ve tigham gham toman lolodi poia, ve tigham amim aniiŋ, arere malep. Aghan moghon.

⁹ Agharaat moroghooŋa to ndug tonenen le tinidi popoia, ve asaav padi tovene: ‘Pooz to Maaron, nene inim igharau gham wa!’

¹⁰ Eemoghon ighaze ala avot ndug eta, ve lolodi pa tigham gham maau, yam ala ayoon maran ate, ve atut aghemim ve ghavuur todi izi, ghoro asaav padi aghaze: ‘Aghita. Aazne, yei nitut aghemai ve ghavuur to ndug tiam izi. Leso inim ghilalooŋ payam pa sosor tiam. Yam irau awatag kat tovene: Pooz to Maaron inim igharau gham wa.’

⁵ “Ruum sindei tau aloŋ ala, na asavia saveeŋ palotiiŋ pa ruum tana tamtamona imin maata aghe: ‘Maaron aat igham gham aleep poia toman lolomim luuma.’

⁶ Isaav ighe ruum tana taama, i ŋeer to ŋgar luuma, ene pale luuma to Maaron tau asavia na igheen tooni. Ve ighe mako, ene pale palotiiŋ tsiam imuul pa taumim.

⁷ Ruum sindei tau papazoge tighur gham aleep pani na, aleep ta sena mon. Asakia ala ruum ite paam sov. Ve saa aniiŋ ma yaa tau tigham payam, na arere sov. Aghan ve aghun mon. Pa yes uraata irau tigham lezi atuya.

⁸ Tauvene isaav ighe yam aloŋ ala pa nugh eta, ve tigham gham toman lolozi poia, ve tigham lemim aniiŋ, na arere sov. Aghan mon.

⁹ Agharaat moroghooŋa to nugh tana le tinizi poia, ve asaav pazi tauvene: ‘Pooz to Maaron, ene ilam igharau gham wa!’

¹⁰ Eemon isaav ighe yam ala avot nugh eta, ve lolozi pa ghamuuŋ gham mako, na ala ayooz maaran aate, ve aghatuun aghemim, ve asaav pazi aghe: ‘Aghita. Aazne, yei nighatuun aghemai, leso ŋgaupup to nugh tsiam izi. Ene imin ilaal payam pa sosor tsiam. Yam irau awatagh kat tauvene: Pooz to Maaron ilam igharau gham wa.’”