Text copied!
CopyCompare
Maaron Saveeŋ Tooni Patabuyaaŋ - Lukas - Lukas 10

Lukas 10:5-10

Help us?
Click on verse(s) to share them!
5“Ruum sindei tau aloŋ ala, na asavia saveeŋ palotiiŋ pa ruum tana tamtamona imin maata aghe: ‘Maaron aat igham gham aleep poia toman lolomim luuma.’
6Isaav ighe ruum tana taama, i ŋeer to ŋgar luuma, ene pale luuma to Maaron tau asavia na igheen tooni. Ve ighe mako, ene pale palotiiŋ tsiam imuul pa taumim.
7Ruum sindei tau papazoge tighur gham aleep pani na, aleep ta sena mon. Asakia ala ruum ite paam sov. Ve saa aniiŋ ma yaa tau tigham payam, na arere sov. Aghan ve aghun mon. Pa yes uraata irau tigham lezi atuya.
8Tauvene isaav ighe yam aloŋ ala pa nugh eta, ve tigham gham toman lolozi poia, ve tigham lemim aniiŋ, na arere sov. Aghan mon.
9Agharaat moroghooŋa to nugh tana le tinizi poia, ve asaav pazi tauvene: ‘Pooz to Maaron, ene ilam igharau gham wa!’
10Eemon isaav ighe yam ala avot nugh eta, ve lolozi pa ghamuuŋ gham mako, na ala ayooz maaran aate, ve aghatuun aghemim, ve asaav pazi aghe: ‘Aghita. Aazne, yei nighatuun aghemai, leso ŋgaupup to nugh tsiam izi. Ene imin ilaal payam pa sosor tsiam. Yam irau awatagh kat tauvene: Pooz to Maaron ilam igharau gham wa.’”

Read Lukas 10Lukas 10
Compare Lukas 10:5-10Lukas 10:5-10