LUKA 9:28-33

²⁸MIZMIZ 9 NOSIK 28-36 Able piripiri mokakalam 8 gerger barukdarda ge Iesude able lu daratautlare, ege Peteru, Zone a Zemis naisidare paserem ogidare erkepasamem.

²⁹Nade ga e erkepasameirer, abra op depigemelu a abra wali akaida mokakalam poni atkiredatkired perper.

³⁰Keserkeser neis le, Mose a Elaiza, ge daralei abi mir detagelei.

³¹Wi batomerdariei yabi zoromide nadari, wige Iesui detagerlei nako abra ididira mop ya Yerusalemage waikereder muige Agudi mirapuge.

³²Peteru a nerut neis memegle wi ut nardeder, ege wi ekiamdare a Yesura zorom dasmerdare a neis le nakweireder abi kemem.

³³Nade able legize Iesui dikairetlei, Peterude abi ikailu, “Kirimle, e debele ike ki peki dale. Ki neis a netat mud akerdare, netat marim, netat Moseim a netat Elaizaim.” (E nole umerkak e nalu detauter.)