17Yesu, vamohi ni anamasuuza aaye, yakitaga omwangoni. Ahiimelaga vamusewasewani vatugumanege anamasuuza ajinjeene, ni muthithi mulubale wa athu amohi, yadheelaga murudda wateene wo oZhudeya, ni oZheruzalemi, ni a seresere ya nyaza yo oTiru ni oSidoni.
18Yadheelege omwiiwa ni oyilihiwa dhiredda. Ale yarabulihiwa ni mineba dhabure yooyilihiwa.
19Anamwinji ateene yoosayelaga omukahinya, vowi kopolo dhookuma mwa Oliye, wayilihaga ateene.
20Vano Yesu ahawang'anaga anamasuuza aaye, wawaaddela, wiira: “Oreelihiwa di nyo, mwihinna yego, vowi Omwene wa Mulugu bweenyu.
21Oreelihiwa di nyo mwinna dala dhiinova, vowi muneere orubala. Oreelihiwa di nyo munaandda dhiinova, vowi muneere oteya.
22Oreelihiwa di nyo athu yowiiddani, ekoodda weedda ni nyo, yuruwanagani, enyemulaga ndina neenyu woona nabure, mwaha wa Mwaana a Muthu.
23“Teyelani nlabo nenddo, agalalani ni olupa mwaha wi yothuviwa yeenyu si yulubale odhulu. Vowi yeere ndo awale-wale eewa ni anamavuhulela.
24“Mbwenye ooddilu di nyo oreela, vowi muhakela yowuhagalasani.
LUKA 6
LUKA 6:17-24