7 Ako peres pe koča angle mande thaj slavisman, avela sa ćiro.”
8 A o Isus phendas lešće: “Ando Sveto lil ačhel ramome: 'De koča thaj slavisar samo e Gospode ćire Devles, thaj jedino lešće služisar.'”
9 Thaj o beng inđardale ando Jerusalim, thaj čhutale po vrho e Hramosko, thaj phendas lešće: “Ako san Čhavo e Devlesko, huti katar tele,
10 kaj ando Sveto lil ačhel ramome: 'Pale tute kaj pire anđelenđe zapovedila te len sama pe tute.'
11 thaj: 'pe vas inđarena tut te či pećes varekaj će pungresa ando bar.'”
12 A o Isus phendas lešće: “Ramome si: 'Na probisar e Gospode e ćire Devle.'”
13 Thaj kana o beng završisarda te probilasle, đelotar lestar pale varesošći vrjama.
14 O Isus boldape ande e galilejako krajo pherdo e Sveto Duhošće silava thaj o glaso pale leste buljardape pe sasto godova krajo.
15 Sikavelas pe lenđe sinagoge, thaj savora šukar mothonas pale leste.
16 Thaj avilo ando gav savo akhardolas Nazaret kaj barjilo, thaj pe piro običajo ando savato dija ande sinagoga, thaj uštilo te čitol.
17 Dinele e knjiga katar o proroko Isaija, putardas e knjiga thaj arakhla o than kaj si ramome:
18 “O Duho e Gospodesko si pe mande zato makhlas mungro šoro e uljeja thaj bičhaldama, te anav e bahtali nevimata e čorenđe, bičhaldama te propovedisarav e phanglenđe kaj avena mukle, thaj e korenđe kaj dićhena, e zarobimenđe kaj avena oslobodime
19 thaj te proglasisarav o brš milosti e Gospodesko”.
20 Phandada e knjiga, dijala ko sluga thaj bešlo te sikavel, a savora save sas ande sinagoga dićhenas pe leste.
21 Thaj počnisarda te phenel lenđe: “Ađes akava Lil savo ašundine tumare kanenca pherdilo.”