Luka 20:1-44 in Swahili (individual language)

¹ Siku moja, Yesu alipokuwa akiwafundisha watu Hekaluni na kuwahubiria juu ya Habari Njema, makuhani wakuu na walimu wa Sheria pamoja na wazee walifika,

² wakasema, “Tuambie! Unafanya mambo haya kwa mamlaka gani?”

³ Yesu akawaambia, “Na mimi nitawaulizeni swali:

⁴ mamlaka ya Yohane ya kubatiza yalitoka kwa Mungu au kwa watu?”

⁵ Lakini wao wakajadiliana hivi: “Tukisema yalitoka mbinguni, yeye atatuuliza: Mbona hamkumsadiki?

⁶ Na tukisema yalitoka kwa binadamu, watu wote hapa watatupiga mawe, maana wote wanaamini kwamba Yohane alikuwa nabii.”

⁷ Basi, wakamwambia, “Hatujui mamlaka hayo yalitoka wapi.”

⁸ Yesu akawaambia, “Hata mimi sitawaambia ninafanya mambo haya kwa mamlaka gani.”

⁹ Yesu akaendelea kuwaambia watu mfano huu: “Mtu mmoja alilima shamba la mizabibu, akalikodisha kwa wakulima; kisha akasafiri hadi nchi ya mbali, akakaa huko kwa muda mrefu.

¹⁰ Wakati wa mavuno, mtu huyo alimtuma mtumishi wake kwa wale wakulima, akachukue sehemu ya matunda ya shamba la mizabibu. Lakini wale wakulima wakampiga mtumishi huyo wakamrudisha mikono mitupu.

¹¹ Yule bwana akamtuma tena mtumishi mwingine; lakini wao wakampiga huyo vilevile na kumtendea vibaya, wakamrudisha mikono mitupu.

¹² Akamtuma tena wa tatu; huyu naye, baada ya kumwumiza, wakamfukuza.

¹³ Yule mwenye shamba akafikiri: Nitafanya nini? Nitamtuma mwanangu mpenzi; labda watamjali yeye.

¹⁴ Wale wakulima walipomwona tu, wakasemezana: Huyu ndiye mrithi. Basi, tumwue ili urithi wake uwe wetu.

¹⁵ Basi, wakamtoa nje ya lile shamba la mizabibu, wakamwua.” Yesu akauliza, “Yule mwenye shamba atawafanya nini hao wakulima?

¹⁶ Atakuja kuwaangamiza wakulima hao, na atawapa wakulima wengine hilo shamba la mizabibu.” Watu waliposikia maneno hayo, walisema: “Hasha! Yasitukie hata kidogo!”

¹⁷ Lakini Yesu akawatazama, akawaambia, “Maandiko haya Matakatifu yana maana gani basi? Jiwe walilokataa waashi, sasa limekuwa jiwe kuu la msingi!

¹⁸ Mtu yeyote akianguka juu ya jiwe hilo, atavunjika vipandevipande; na likimwangukia mtu yeyote, litamsaga kabisa.”

¹⁹ Walimu wa Sheria na makuhani wakuu walifahamu kwamba mfano huo ulikuwa unawahusu, na hivyo walitaka kumkamata palepale, ila tu waliogopa watu.

²⁰ Basi, wakawa wanatafuta wakati wa kufaa. Wakawahonga watu fulani wajisingizie kuwa wema, wakawatuma wamnase Yesu kwa maswali, na hivyo waweze kumtia nguvuni na kumpeleka kwa wakuu wa serikali.

²¹ Hao wapelelezi wakamwambia, “Mwalimu, tunajua kwamba unasema na kufundisha mambo ya kweli; tunajua kwamba wewe huna ubaguzi; wewe wafundisha ukweli juu ya njia ya Mungu.

²² Basi, twambie kama ni halali, au la, kulipa kodi kwa Kaisari!”

²³ Yesu alitambua mtego wao, akawaambia,

²⁴ “Nionyesheni sarafu. Je, sura na chapa ni vya nani?”

²⁵ Nao wakamjibu, “Ni vya Kaisari.” Yesu akawaambia, “Basi, mpeni Kaisari vilivyo vyake Kaisari, na Mungu vilivyo vyake Mungu.”

²⁶ Hawakufaulu kumnasa kwa neno lolote pale mbele ya watu na hivyo wakakaa kimya wakilistaajabia jibu lake.

²⁷ Kisha Masadukayo, ambao husema kwamba wafu hawafufuki, wakamjia Yesu, wakasema:

²⁸ “Mwalimu, Mose alituandikia kwamba kama ndugu ya mtu fulani akifa na kumwacha mjane wake bila watoto, ni lazima ndugu yake amchukue huyo mama mjane, amzalie watoto ndugu yake marehemu.

²⁹ Sasa, wakati mmoja kulikuwa na ndugu saba. Yule wa kwanza alioa na baadaye akafa bila kuacha mtoto.

³⁰ Yule ndugu wa pili akamwoa yule mjane, naye pia, akafa;

³¹ na ndugu wa tatu vilevile. Mambo yakawa yaleyale kwa wote saba—wote walikufa bila kuacha watoto.

³² Mwishowe akafa pia yule mwanamke.

³³ Je, siku wafu watakapofufuliwa, mwanamke huyo atakuwa mke wa nani? Alikuwa ameolewa na wote saba.”

³⁴ Yesu akawaambia, “Watu wa nyakati hizi huoa na kuolewa;

³⁵ lakini wale ambao Mungu atawawezesha kushiriki ule wakati wa ufufuo, hawataoa wala kuolewa.

³⁶ Ama hakika, hawawezi kufa tena, kwa sababu watakuwa kama malaika, na ni watoto wa Mungu kwa vile wamefufuliwa katika wafu.

³⁷ Lakini, kwamba kuna kufufuka kutoka wafu, hata Mose alithibitisha jambo hilo katika Maandiko Matakatifu. Katika sehemu ya Maandiko Matakatifu juu ya kile kichaka kilichokuwa kinawaka moto, anamtaja Bwana kama Mungu wa Abrahamu, Isaka na Yakobo.

³⁸ Basi, yeye si Mungu wa wafu, bali ni Mungu wa wale walio hai; maana wale aliowaita kwake, wanaishi naye.”

³⁹ Baadhi ya wale walimu wa Sheria wakasema, “Mwalimu, umejibu vema kabisa.”

⁴⁰ Walisema hivyo kwa sababu hawakuthubutu kumwuliza tena maswali mengine.

⁴¹ Yesu akawauliza, “Yasemekanaje kwamba Kristo ni mwana wa Daudi?

⁴² Maana Daudi mwenyewe anasema katika Zaburi: Bwana alimwambia Bwana wangu: Keti upande wangu wa kulia

⁴³ mpaka niwafanye adui zako kama kiti cha kuwekea miguu yako.

⁴⁴ Ikiwa Daudi anamwita yeye, Bwana, basi atakuwaje mwanawe?”

¹ Ikawa siku moja, Yesu alipokuwa akiwafundisha watu Hekaluni na kuhubiri injili, makuhani wakuu na walimu wa Sheria walimwendea pamoja na wazee.

² Walizungumza, wakimwambia, 'Tuambie ni kwa mamlaka gani unafanya mambo haya? Au ni nani huyo ambaye amekupa mamlaka haya?

³ “Naye akajibu, akawaambia, 'Nami pia nitawauliza swali. Niambieni

⁴ ubatizo wa Yohana. Je, ulitoka mbinguni ama kwa watu?'

⁵ Lakini wakajadiliana wao kwa wao, wakisema, 'Tukisema, `litoka mbinguni, atatuuliza,` Basi, mbona hamkumwamini?'

⁶ Na tukisema; ilitoka kwa wanadamu; watu wote hapa watatupiga mawe, maana wote wanaamini kwamba Yohana alikuwa nabii.'

⁷ Basi, wakamjibu ya kwamba hawakujua ilikotoka.

⁸ Yesu akawaambia, '“Wala mimi siwaambii ninyi ni kwa mamlaka gani ninafanya mambo haya.”

⁹ Aliwaambia watu mfano huu, “Mtu mmoja alipanda shamba la mizabibu, akalikodisha kwa wakulima wa mizabibu, na akaenda nchi nyingine kwa muda mrefu.

¹⁰ Kwa muda uliopangwa, alimtuma mtumishi kwa wakulima mizabibu, kwamba wampe sehemu ya matunda ya shamba la mizabibu. Lakini wakulima wa mzabibu wakampiga, wakamrudisha mikono- mitupu.

¹¹ Kisha akamtuma tena mtumishi mwingine na nao wakampiga, kumtendea vibaya, na wakamrudisha mikono- mitupu.

¹² Alimtuma tena wa tatu na nao wakamjeruhi na kumtupa nje.

¹³ Hivyo bwana wa shamba akasema, 'Nitafanya nini? Nitamtuma mwanangu mpendwa. Labda watamheshimu.'

¹⁴ Lakini wakulima wa mzabibu walipomwona, walijadili wao kwa wao wakisema, `Huyu ndiye mrithi. Tumuue, ili urithi wake uwe wetu.'

¹⁵ Wakamtoa nje ya shamba la mizabibu na kumuua. Je bwana shamba atawafanya nini?

¹⁶ Atakuja kuwaangamiza wakulima wa mzabibu, na atawapa shamba hilo wengine”. 'Nao waliposikia hayo, wakasema, 'Mungu amekataa'

¹⁷ Lakini Yesu akawatazama, akasema, “Je andiko hili lina maana gani? 'Jiwe walilolikataa wajenzi, limekuwa jiwe la pembeni'?

¹⁸ Kila mtu aangukaye juu ya jiwe hilo, atavunjika vipande vipande. Lakini yule ambaye litamwangukia, litamponda.'

¹⁹ Hivyo waandishi na wakuu wa makuhani walitafuta njia ya kumkamata wakati huohuo, walijua kwamba alikuwa amesema mfano huu dhidi yao. Lakini waliwaogopa watu.

²⁰ Walimuangalia kwa makini, wakatuma wapelelezi waliojifanya kuwa watu wa haki, ili wapate kupata kosa kwa hotuba yake, ili kumpelekakwa watawala na wenye mamlaka.

²¹ Nao wakamwuliza, wakisema, “Mwalimu, tunajua kwamba unasema na kufundisha mambo ya kweli na si kushawishiwa na mtu yeyote, lakini wewe hufundisha ukweli kuhusu njia ya Mungu.

²² Je, ni halali kwetu kulipa kodi kwa Kaisari, au la?”

²³ Lakini Yesu alitambua mtego wao, akawaambia,

²⁴ “Nionyesheni dinari. Sura na chapa ya nani ipo juu yake?” Walisema, '“Ya Kaisari.”

²⁵ Naye akawaambia, 'Basi, mpeni Kaisari yaliyo yake Kaisari, na Mungu yaliyo yake Mungu.'

²⁶ Waandishi na wakuu wa makuhani hawakuwa na uwezo wa kukosoa kile alichosema mbele ya watu. Wakastaajabia majibu yake na hawakusema chochote.

²⁷ Baadhi ya Masadukayo wakamwendea, wale ambao wanasema kwamba hakuna ufufuo,

²⁸ wakamwuliza, wakisema, “Mwalimu, Musa alituandikia kwamba kama mtu akifiwa na ndugu mwenye mke ambaye hana mtoto basi anapaswa kumchukuna mke wa ndugu yake na kuzaa nae kwa ajili ya kaka yake.

²⁹ Kulikuwa na ndugu saba Wa kwanza alioa, akafa bila kuacha mtoto,

³⁰ na wa pili pia.

³¹ Wa tatu akamchukua vilevile, vivyo hivyo wa saba hakuacha watoto na akafa.

³² Baadaye yule mwanamke pia akafa.

³³ Katika ufufuo atakuwa mke wa nani? Maana wote saba walikuwa wamemwoa.'

³⁴ Yesu akawaambia, “Wana wa ulimwengu huu huoa na kuolewa.

³⁵ Lakini wale wanastaohili kupokea ufufuo wa wafu na kuingia uzima wa milele hawaoi wala hawaolewi.

³⁶ Wala hawawezi kufa tena, kwa sababu huwa sawasawa na malaika na ni watoto wa Mungu, wana wa ufufuo.

³⁷ Lakini hiyo wafu wanafufuliwa, hata Musa alionyesha mahali katika habari za kichaka, pale alimwita Bwana kama Mungu wa Ibrahimu na Mungu wa Isaka na Mungu wa Yakobo.

³⁸ Sasa, yeye si Mungu wa wafu, bali wa walio hai, kwa sababu wote huishi kwake.

³⁹ “Baadhi ya walimu wa Sheria wakamjibu, 'Mwalimu, umejibu vema.'

⁴⁰ Hawakuthubutu kumwuliza maswali mengine zaidi.

⁴¹ Yesu akawaambia, “Ki vipi watu wanasema kwamba Kristo ni mwana wa Daudi?

⁴² Maana Daudi mwenyewe anasema katika Zaburi: Bwana alimwambia Bwana wangu: Keti mkono wa kulia,

⁴³ mpaka niwaweke adui zako chini ya miguu yako.'

⁴⁴ Daudi anamwita Kristo 'Bwana', basi atakuwaje mwana wa Daudi?”