Luk 4:22-30

²²Jisas kandja embe djika, una pille aya dji, Jisas una wopake moro dje pille embe dji, ge Josep wariye moro ba, une kandja wopake dje nono aundo we dji.

²³Embe djimaka Jisas embe dji, ye kandja embe djinj ba, are ye na moro al kandja buko ta dje awo embe djine, dokta, nenem gaklen amblo wopake ye aumben we djine. Ni dumo Kaperneam po kogo dongall yen we dji ge, ni nenem dumen al molo wal ta yembenka kanbon we djine.

²⁴Na kandja kaima dje ye aundo, propet ta molo yene unakiye mor al po, God kandjiye djinda, una napiye.

²⁵Na kandja kaima dje ye aundo, kamasa iwa Elaija moi kune, kupill amblo pel yeika kam natoi. Koll kermanke kaima ye pa pika, kognumb 3 pela ne, takene 6 pela erwo pi, pora dji. Yei kune ge Israel ana kangill kambono merke moi ba, God Elaija dje nawori. Ana kangill taimanta kona dumo Saidon paknato Sarepat moi al dje wori.

²⁷Propet Elisa moi kune ge, Israel una ke kenj merke toi moi ba, Elisa Israel una taimanta moi ge une po ye wopake ye nawi, man. Une dumo Siria una Naman ge ke kenj toika moi iwa ge, Elisa po ye wopake ye awi we dji.

²⁸Jisas kandja embe djika una porapora lotu numb moi ge pille ellne kumbso awi.

²⁹Kambono numb gull take moi al sekerbye ta manda djeke kaima yeika, kambono Jisas i bekle po sekerbye yei al amblo pup to kal worbon dje yei.

³⁰Ba une kambono moi al pakna kere er pi.