11Némbule takwa hési nyan lé héra, Devitna getéfambu. Héralén nyan wu guniré Satanéna tambambu hérae guniré yikafre hurute yakwa du dé. Dé God wasékendén du Krais dé. Wu nana Néma Du dé.
12Némbuli ye wun nyanré xétanguni. Ayiwa nukwa wurmbu banyitaka bulmakau bali hénoo sandaka suwangembu takaléka dé hwae. Ye xétaka xékélakitanguni, wuna hundi mwi hundi dé.” Wungi dé wa.
13Wandéka di séfélak ensel bari gaye di wun ensel wali té. Téta angi di gwar wa:
14“Anwar Godna getéfambu Godna ximbu harékétame. Ané héfambu God mawuli yandéka du takwa nakélak huru mawuli hératandi.” Wungi di wa.
15Wunde ensel wungi gwar wataka di diré yatakataka wambula wari, Godna getéfaré. Warindaka di sipsip balika hatikwa du di hafu buléta di wa, “Betlehemré yitame. Nani ye Néma Du wandén jooka xétame.”
16Wungi wataka di bari hari yi. Ye getéfambu xaakwa di Maria bér Josep, wun nyanré akwi di xé, nyan bulmakau bali hénoo sandaka suwangembu hwandéka.
17Nyanré xétaka di ensel wun nyanka wandén hundika di du takwaré wa saafa yi.
Luk 2
Luk 2:11-17