Luk 24:17-30

¹⁷Te Jisasgo augwali sibolo te po wai, “Dage si magi po ola peyu pobawe?” te bidi si dali Jisasgo te po wai. Tama te bidi si dolaluai, tama augwa si homu sęgę mu yai.

¹⁸Tama te bidi me nogi Kliopas, te bidigo Jisasbolo te po wei ponoyu, te po wai, “Gasa bulu bidi dabe hauwa augwali megi Jerusalem bulude bidibao. Tama nage deligo nago te sę Jerusalemde pedalobo nago subewe?” te bidigo Jisas dali te po wai.

¹⁹Te bidi agai tama wai, tama Jisasgo augwali sibolo hanalu wai, “Magi sęwe?” Tama te bidi sigo Jisas dali te po wai, “Te sę te Nasaret bidi Jisasde pedalai. Te bidi Godigo nosali yabo sę po wabo bidi, Godigo po ola mabo bidi. Tama te bidigo agai bomai sę dali, bomai po dali Godigo gedude dali, te we bidigo gedude dali te sę yai,” te bidi sigo Jisas dali te po wai.

²⁰“Tama te pris tuni bidi dabe dali, te tobolu bidi dabe augwaligo te bidi te moni gavman tunibolo augwaligo nogoba muai. Tama gavmanigo po weyu, ‘Te bidi elao,’ te po wai. Tama augwaligo te bidi ni pedaide elai.

²¹Tiali goli, polobadu dago homu tama yai, te bidigo agai da Israel we bidi te Rom gavman nogode bidali tagalama, agai da tonalumai yaibao. Dago te homu polobadu yai dao. Tiali, menio. Tama gasa po me tama telaluaio, te sę pedelai, tama megi te bidi duba elali, sela sogo bidibao,” te bidi si Jisas dali te po wai.

²²“Te sę eyu, gasa sę me pedelali, megi. Tama megi da hani we dabe me badu augwaligo da midigi sabo sę yai. Kigamu mu te we dabe augwali te bidi muani gų pageba augwali pai,” te po Jisas dali te bidi sigo wai.

²³“Tama augwaligo Jisasgo tigi subeo. Tama augwali ma asai, tama augwaligo te po wai, ‘Dago Godigo sę ebo ensel bidi dabe naga sualio,’ tama te ensel bidi dabe augwaligo te po wai,

²⁴‘Te Jisas aga ma bidibao,’ wai. Tama da tomode bidi meba augwali pelama, te gų page sugi pai. Tama augwaligo te we dabego wali po tiwai tama suali. Tiali goli, Jisas aga tigi te augwaligo subeo,” te bidi sigo Jisas dali te po wai.

²⁵Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

²⁶“Magi basowe tama tiyu dage sigo koneai meniwe, Godigo sa muani bidi Krais aga dene bolo selama, isilama, tama nosali aga genuai nogi mu saibao,” Jisasgo te po wai.

²⁷Tama Jisasgo Mosesgo asęani pode gagalama, tama tigidali Godigo sę nosali pedelabo po ola mani profet bidi dabego po Jisasgo te bidi sibolo ola mawai. Tigidali po buku dabede wali po Jisas aga tigide digi yali sę po wai. Te Jisas aga dali po page mu te bidi si dali ola mawai.

²⁸Te augwali pelama, te bidi si pabo bulu teba sabolai. Tama Jisas agai mu pabo ąǫ naga yai.

²⁹Tialima, te bidi sigo Jisas “Pigio,” te po wai, “nage dadi si dali bidao,” wai. “Giliga iba dega sainogo ebo, tama pąde digi tama be hulia saibao,” wali. Tama tibaso, Jisas augwali sigo be tomoba pelama, augwali si dali bidai.

³⁰Nosali augwali nai tuainogo, tama Jisas augwali si dali dulaluai. Tama Jisasgo te giguai nai bret selama, Godibolo hanaluyu usu da wai, tama te nai togolama, augwali sibolo mawai, Jisasgo.