54Jisösnöŋ toroqeba ambazip kambu yeŋgöra kewö jii mötket, “Wehön gegeŋe miri böuleiba kousu töwiiga iŋini mi eka miaŋgöreŋök ‘Kie kama,’ jimakze. Mewö jigetka kama.
55Saut görökenök luhut giliga eka möta kewö jimakze, ‘Miri könöpŋambuk akŋa.’ Jigetka miaŋgö dop akŋa.
56O urumeleŋgö silesile ambazip, iŋini suep gölmegö tandökŋiri eka kie wehöngö könaŋiri ölöp kewörakzemö, nalö ki maljini, miaŋgö könaŋi qahö kewöta möt kutugetka qahö dop kölja.” Mewö.