12biꞌ chaꞌ nchca jiꞌi̱ cuaꞌni lyaá jiꞌna jiꞌi̱ lcaa chaꞌ cuxi nu ntsuꞌu jiꞌna; ná ntsuꞌu xaꞌ ñati̱ tyucui ñaꞌa̱ chalyuu nu nchca la jiꞌi̱, chaꞌ sca ti jiꞌi̱ Jesús cua nda ycuiꞌ Ndyosi chacuayáꞌ cuaꞌni cña biꞌ.
13Ndyuna nguꞌ chaꞌ nu nchcuiꞌ Pedro, cuati ñaꞌa̱ tsa nguꞌ jiꞌi̱ Pedro loꞌo Juan: ―¿Ni chaꞌ laca ná ntsi̱i̱ nguꞌ re nchcuiꞌ nguꞌ loꞌo na? ―nacui̱ nguꞌ―. Siꞌi ñati̱ tlyu laca nguꞌ, siꞌi ñati̱ nu ngua tsaꞌa̱ quityi laca nguꞌ re. Liꞌ ngua tii nguꞌ cusuꞌ chaꞌ cua ngutaꞌa̱ nguꞌ loꞌo Jesús.