LEVITIKO 18:2-25

²Israel taudia ba hamaorodia, lau binai Iehova, emui Dirava.

³O noholaiva tanona, Aigupto, taudia na edia kara basio kara; baina hakaumui vareai tanona, Kanaan, taudia danu edia kara basio kara bona edia taravatu basio badinadia.

⁴A lauegu haheḡani bavabidia dae, bona lauegu taravatu ba badinadia; lau binai Iehova. emui Dirava.

⁵Taunabunai, egu taravatu bona egu haheḡani ba badinadia; unu baine kara toma tauna be baine mauri. Lau binai Iehova.

⁶varavaramu ta ida basio eno bou; lau Iehova na gwaumu.

⁷Tamamu ena geda ai basio hekure, sinamu ida basio eno bou; ia na sinamu, basio abia.

⁸Tamamu adavana ta ida basio eno bou; ia na tamamu ena.

⁹Taihumu ida basio eno bou; tamamu natuna hahinena ta eiava sinamu natuna hahinena ta, oi ida ruma tamona ai e vara, eiava idau ruma ai e vara, basio abia.

¹⁰Tubumu kekenina ida basio eno bou; natumu maruanena natuna eiava natumu hahinena natuna basio abia, badina be iena hemarai na oiemu hemarai.

¹¹Tamamu adavana natuna hahinena, tamamu ese e havaraia, ida basio eno bou, ia na taihumu.

¹²Lalamu ida basio eno bou; ia na tamamu ida hidiotamona.

¹³Sinamu lahaina ida basio eno bou; ia na sinamu ida hidio tamona.

¹⁴Tamamu lahaina ena geda ai basio hekure, ia adavana ida basio eno bou; ia be varavaramu.

¹⁵Ravamu hahinena ida basio eno bou; ia na natumu adavana; basio abia.

¹⁶Ihamu ida basio eno bou; ia na tadikakamu ena.

¹⁷Hahine ta ida boma eno bou, ia natuna hahinena eiava tubuna kekenina ida basioma eno bou; idia na hidio tamona. Una na hemarai karana.

¹⁸Hahine ta boma adavaia, ia tadina ida basio hodara.

¹⁹Hahine ta basio raka henia kahi, ia ida ba eno bou totona, rara e hekaramu negana ai.

²⁰Dekemu tauna adavana ida basio heuda hanai; una na kara mirona.

²¹Natumu ta dirava ladana Molek basio henia, ḡole-ohoboubouna ḡauna ai basinela; una na emu Dirava ladana ihadikana karana. Lau binai Iehova.

²²Tatau ida basio eno bou; una na kara mirona.

²³Mauri ḡauna idauna ta ida basio eno bou; hahine danu unu basine kara toma; una kara na dika rohoroho.

²⁴Ini kara mirodia iboudiai na basio kara; badina be vairamui ai baina luludia lasi besedia be unu kara amo e hahemiromu.

²⁵Tano danu vada e hamiroa; una dainai ena dika davana vada na henia. Tano na vada e dika; e noholaiava taudia vada e loridia lasi.