2Israel taudia ba hereva henidia baoto: Hahine ta baine rogorogo, baine mara, mero ta baine abia negana ai, ia na dina hitu do baine taubu, rara e hekaramu negadia ai heḡereḡerena.
3Dina ihataurahanina ai mero na bae peritomea.
4Bena hahine na dina toi-ahui toi ma baine taubu, ena rara aru karadia daidiai; unu dina lalodiai ḡau helaḡana ta basine daua toho, bona gabu helaḡana ai basine raka vareai, ela bona ena helaḡa dinadia bae ore.