10Turpitudinem filiæ filii tui vel neptis ex filia non revelabis: quia turpitudo tua est.
11Turpitudinem filiæ uxoris patris tui, quam peperit patri tuo, et est soror tua, non revelabis.
12Turpitudinem sororis patris tui non discooperies: quia caro est patris tui.
13Turpitudinem sororis matris tuæ non revelabis, eo quod caro sit matris tuæ.
14Turpitudinem patrui tui non revelabis, nec accedes ad uxorem ejus, quæ tibi affinitate conjungitur.
15Turpitudinem nurus tuæ non revelabis, quia uxor filii tui est: nec discooperies ignominiam ejus.
LEVITICUS 18
LEVITICUS 18:10-15