9 Pla de dola, zaakũ ń zĩkɛna àre nigↄ̃ mana.
10 Tó gbɛ̃ mɛ̀n do lɛ̀tɛ, a gbɛ̃ndo ni a sɛ́. Waiyoo gbɛ̃ mɛ̀n do! Tó à lɛ̀tɛ, anigↄ̃ sɛ̀ri vĩro.
11 Tó gbɛ̃nↄn planↄn wutɛna gu dokↄ̃nↄn, oni kↄ̃ puusu ma. Deran gbɛ̃ mɛ̀n do ni kɛ nà à bo ĩann?
12 Òdi gbãna mↄ gbɛ̃mɛndonɛ, gbɛ̃nↄn planↄ sↄ̃ òdi zɛ ò gímɛ. Bà nɛ́ mɛ̀n aakↄ̃ dì kɛ̃ likaro.
13 Kɛfɛnna ↄ̃ndↄ̃ri takaside mana de kína zĩkũna yↄ̃nkↄ kũ àdi lɛ́damma ma dorola,
14 bee tó kɛfɛnna pìi bò kpɛ́sira gũn, akũ à gↄ̃̀ kína ũ, ke tó ò a ì bùsuu pìn takaside ũ.
15 Ma è andunia tɛ̀ kína gɛ̃nɛ kũ à de kɛfɛnna ũ pìiimɛ.
16 Gↄrↄ birea à gbɛ̃nↄ dasi lɛ́ vĩro, à de ń don'arɛde ũ. Ama gbɛ̃ kũ ò sù zãnↄ dí a sáabu kpáro. Abirekũ pãmɛ dↄ, pɛna gukoriamɛ.
